Svona endar þetta hjá okkur sauðfjárbændum :(

Þetta er auðvitað mjög leiðinlegt að menn skuli verða sviptir sínum atvinnutækjum,hvort sem þeir eru lamaðir eða ekki.Ég held að það meigi búast við fleiri svona fréttum af bændum sem missa sín tæki vegna greiðsluerfiðleika.Hvernig eigum við að geta borgað af þessum tækjum þegar lánin hækka alltaf við hver mánaðarmót en afurðirnar hækka lítið sem ekkert... meðalbú hérna á þessu svæði þar sem eru engin tök á að verktakar heyi fyrir okkur þarf að eiga tæki uppá tugi milljóna...ein dráttarvél (ný) kostar hátt í 10 milljónir og það er eins og ársveltan.

Ég er hræddur um að það eigi margir eftir að taka ákvörðun í haust um að hætta næsta haust :( ég segi fyrir mig að ég ætla að hugsa mig vel um áður en maður fer að kaupa áburð fyrir næsta ár.

jæja nóg af svartsýni í bili...það er að birta og vonandi að gera veður til að slá :)

Lamaður bóndi sviptur sérbúnum vélum

Athugasemdir

[Sigurjón Þórðarson, 30.8.2008 kl. 11:03]

Þetta ástand er mjög snúið fyrir margan sem skuldar.

[Bumba, 30.8.2008 kl. 11:08]

Eg tek undir þessi orð. Ég er einn af þeim sem skulda, hef til þessa þó getað staðið í skilum. En nú er svo komið að ég verð að láta eignina af hendi, skuldirnar hafa hækkað um 8 til 10 millur bara síðan um áramót. Kaupið mitt ekki hvað þessu nemur. Með beztu kveðju.

[Villi Asgeirsson, 30.8.2008 kl. 11:55]

Skiptir landsbyggðin einhverju máli? Virðist ekki vera. Var ekki líka verið að hækka kostnað á slátrun? Það er ekki bara efnahagsvandinn sem ríkisstjórninni er nokk sama um... Kannski vilja þeir koma öllum á hausinn svo þeir hafi vinnuafl í næstu stóriðju sem kemur á svæðið, eða eitthvað svæði utan höfuðborgarsvæðisins.

[Hafsteinn Viðar Ásgeirsson, 30.8.2008 kl. 14:11]

Það er alveg klárt, að sauðfjárbændur eru ekki öfundsverðir í dag. Sérlega ekki þeir sem hafa verið að endurnýja tæki eða húsakost, hlýtur að vera alveg skelfileg staða og eitthvað sem verður hreinlega að taka á með einhverjum hætti.

[Gunnar Dalkvist (IP-tala skráð) 30.8.2008 kl. 21:51]

Hættum nú þessu væli og höldum áfram að lifa það þíðir ekki að vera að kvarta og kveina yfir skuldum við komum okkur sjálf í þau vandræði.

Að vera sauðfjárbóndi er kannski erfitt í dag en við skulum vona að morgundagurinn verði betri. Morgundagurinn verður ekki betri ef við erum svartsýn og dæmum hann fyrir fram.

Kveðja í sunnan gjólu og smalamennskur að byrja.

Gunnar Dalkvist sauðfjárbóndi