Kartöflugarðurinn heima :)

Já það er enginn smá uppskera af kartöflum þetta árið, 5 til 6 fötur úr hverju beði.Í venjulegri sprettutíð er svona 3-4 fötur og er þetta því talsvert meira en maður á að venjast.Ég hitti nágranna minn í gær hann Kobba og sagðist hann hafa vigtað stærstu kartöfluna hjá þeim og vó hún 425 gr... nærri hálft kíló, það er slatti :) við pabbi erum langt komnir með að taka upp þetta árið (sem betur fer).

Veðrið er búið að vera nokkuð gott síðustu daga og er maður ekkert farinn að sjá að féð sé að koma heim..ekki mikið alla vega.Það kom ein forystukind úr Hagadalnum fyrir svona viku hingað heim en fór aftur samdægurs fram í dal.Hún kemur alltaf sjálf heim áður en er smalað í dalnum :) Einlembu sá ég í gær við Litluhlíð sem er nýkomin niður en annað hef ég ekki séð.Þannig að það verður að sækja féð hátt þetta árið..eins og undan farin ár.

Við erum komnir með leyfi til að kaupa líflömb og er það spennandi að meiga það aftur, en það hefur verið bannað síðustu ár.

Mamma er búin að týna óhemju af berjum og er komin með í ótal krukkur :)

muna að kommenta ef það er eitthvað sem þið hafið til málanna að leggja :)

vill minna á gömlu síðuna www.123.is/bardi  þar er hægt að skoða myndir og myndbönd ennþá.

Athugasemdir

[svanur (IP-tala skráð) 12.9.2008 kl. 11:59]

Það er bara eitt leiðinlegra en að setja niður kartöflur. Að taka þær upp.

  Megi ykkur smalast vel. kveðja.s.