Var að heimta :)

Það var hringt í morgun og látið vita að það hefði sést tvílembd kind í Holtsdalnum í gær.En það voru rjúpnaskyttur frá patró sem sáu til hennar.Við Barði fórum strax í morgun þegar birti að leita og fann ég hana um hádegið.Þetta var kind frá okkur með 2 hrútlömb og rákum við hana niður og í aðhald við kerruna.Gekk eins og í sögu enda með hundana til halds og trausts (þeir gera reyndar allt).

Svo hringdi Gísli í Rauðsdal og bað okkur að koma og hjálpa sér að ná kindum sem voru komnar niður úr fjallinu.Við renndum þangað og þá voru kindurnar undir Stekkjaklettunum.Við fórum upp á efra skarðatúnið og ég sendi Perlu upp að sækja og gekk það alveg ljómandi.Þetta var 13 st og í því 4 lömb.

Svona er lífið í sveitinni :) endalausar rollur.

en svona að öðru er einhver þarna sem er að lesa þetta blogg bull...eða á ég að hætta þessu?

Athugasemdir

[G.G. (IP-tala skráð) 25.11.2008 kl. 09:01]

Við lesum öll þitt létta blogg

og ljúft er um það að tala,

þú eltir stykki upp um fjöll

meðan aðrir kindum smala.

[Daníel Hansen (IP-tala skráð) 25.11.2008 kl. 10:35]

Komdu sæll. Ég lít alltaf af og til á þessa síðu og hef gaman af þar sem ég á mínar rætur þarna fyrir vestan. Mér finnst sérstaklega gaman að lesa um það sem gerist í sveitinni, smalamennskur og fleira. Hafðu sem mest um það sem gerist dags daglega á Ströndinni. Bið að heilsa pabba þínum. Bestu kveðjur, Daníel

[Gunnlaugur (IP-tala skráð) 25.11.2008 kl. 12:12]

Tek undir með Daníel. Það er gaman að kíkja á síðuna ykkar og sjá hvernig bústangið og annað daglegt líf gengur fyrir sig fyrir vestan. Bestu kveðjur

Gunnlaugur

[Sólveig Arad (IP-tala skráð) 25.11.2008 kl. 12:23]

Heill og sæll,

Endilega haltu áfram að skrifa - ég er ein þeirra sem kíki inná síðuna án þess að kvitta.  Það er gaman að fylgjast með þeim slóðum sem uppruninn er. Ég er reyndar löngu flutt í burtu en með því að kíkja á færslurnar þínar fást fréttir að vestan .

Bestu kveðjur vestur,

Sólveig Arad. úr Ásgarði.

[G.G. (IP-tala skráð) 25.11.2008 kl. 13:39]

Prentvillupúkinn var á ferð í morgun, erindið er rétt svona:

Þitt létta blogg við lesum öll

og ljúft er um það að tala,

þú eltir  stykki upp um fjöll

meðan aðrir kindum smala.

[Baldur Gautur Baldursson, 25.11.2008 kl. 16:37]

Stundum er eins og ég þjáist af nostalgíu og ég vildi gjarnan vera í ykkar bændanna sporum. Eflaust ekki öfundsvert starf og afskaplega krefjandi og ég gersamlega kunnáttulaus í þessum efnum, en samt þetta er eitthvað svo heillandi.  

Hérna datt í hug ertu eitthvað skyldur Jóhannesi gamla og bróður hans, bændum á Eyri og á Múla?

[Fanney Inga (IP-tala skráð) 25.11.2008 kl. 18:42]

Alltaf gaman að lesa fréttir þó svo að við séum nú nánast á sama blettinum.

Og Daníel má til með að segja hæ frændi, ég er dóttir hans Dóra Gunn:)

[Ólafur Guðlaugsson (IP-tala skráð) 25.11.2008 kl. 20:48]

Sæll Ásgeir

Maður kíkir alltaf ðru hvoru á síðuna en ég sé að það er að vísu komin hellingur síðan síðast. En alltaf gaman að lesa hvað þið eru að gera um dagana.

Bið að heilsa í bæginn, Ólafur Guðlaugsson

[svanur (IP-tala skráð) 25.11.2008 kl. 20:48]

Ekki seinna vænna að kæmi eitthvað líf í þig.